Í dag 9. apríl var Blúshátíð í Reykjavík 2022 formlega sett.

Dagskráin hófst með því að Lúðrasveitin Svanur blúsaði niður Skólavörðustíginn og á eftir þeim komu félagar í Krúserklúbbnum á ansi flottum bílum. Fyrir utan búðina hjá Ófeigi gullsmið voru blústónleikar og forsmekkurinn af því sem koma skal á aðaltónleikum Blúshátíðar nk. miðvikudag.
Fyrir þá sem vilja skoða dagskrána nánar og jafnvel kaupa sér miða er hægt að gera það hér: https://tix.is/is/event/12974/blushati-/

Blúshátíð í Reykjavík 2022 tryggðu þér miða á tix.is

Blúshátíð í Reykjavík. miðasala á tix.is tryggðu þér miða hér https://tix.is/is/event/12974/blushati-/

Blúshátíð í Reykjavík laugardaginn 9. apríl. Blúsdagur í miðborginni.

Þá leggur Blúshátíð Skólavörðustíginn undir sig. Skrúðganga verður frá Leifsstyttu kl. 14.00. Lúðrasveitin Svanur leikur nokkur lög og Krúser klúbburinn verður með glæsilega bílasýningu. Boðið verður upp á lifandi blús á Skólavörðustígnum frá klukkan 14.00. 

Hilton Reykjavik Nordica 13. apríl
Bestu blúsarar landsins!
Blúshátíð í Reykjavík verður með breyttu sniði í ár. Einungis verða einir tónleikar í boði, sannkölluð tónlistarveisla þar sem allir bestu blúsarar landsins koma fram.
Söngkonurnar óviðjafnanlegu Andrea Gylfadóttir, Ragnheiður Gröndal og Stefanía Svavarsdóttir fremja blúsgaldur með Guðmundi Péturssyni, Halldóri Bragasyni, Óskari Loga Ágústssyni og Nick Jameson, þúsund þjala ólíkindatólinu Davíð Þór Jónssyni ásamt Róberti Þórhallssyni bassaleikara og trommuleikaranum taktfasta Ásgeiri Óskarsyni.
Á tónleikunum kemur einnig fram hljómsveitin Bláa höndin en hana skipa þeir Jakob Frímann Magnússon, Guðmundur Pétursson, Jón Ólafsson og Einar Scheving.
Eftir þessa mögnuðu íslensku blúsveislu verður Klúbbur Blúshátíðar starfræktur á Hilton Reykjavík Nordica. Þar heldur fjörið áfram fram eftir nóttu og ævintýri gerast þegar ólíkir tónlistarmenn hræra sannkallaðan blússeið.

Eins og undanfarin ár aðeins er tekin frá sæti fyrir matargesti VOX. Veitingahúsið VOX á Hilton Reykjavík Nordica ætlar að bjóða uppá sérstakan matseðil í tilefni Blúshátiðar. Matargestir VOX fá frátekin sæti á tónleikunum kl 20 um kvöldið. VOX restaurant / bistro – Hilton Reykjavik Nordica – Suðurlandsbraut 2 Sími: 444 5050 – vox@vox.ishttp://www.vox.is/

 

Blúshátíð i Reykjavík 2020 frestað. Við stefnum á að halda Blúshátíð í ár

Kæru vinir.
Eins og öllum er kunnugt þá ríkir hér samkomubann og það verður enn ríkjandi í dymbilvikunni þegar við erum vön að halda Blúshátíð i Reykjavík.
Við stefnum á að halda Blúshátíð í ár i. Miðasala á hátíðina var hafin þegar samgöngubannið var sett á. Við biðjum þá sem þegar höfðu keypt miða að vera í sambandi við tix.is og fá endurgreiðslu.

 

 

Miðasala er hafin á Blúshátíð í Reykjavík 2020 á tix.is

Miðsala á tix.is https://tix.is/is/event/9737/blushati-i-reykjavik/

Blúshátíð í Reykjavík á Hilton Reykjavík Nordica 7. 8. og 9. apríl. Í boði eru miðar á stök kvöld eða Blúsmiðinn sem gildir á öll kvöldin. Takmarkað magn Blúsmiða er í sölu.

Þriðjudagurinn 7. apríl kl. 20.00 – Hilton Reykjavík Nordica

Óskar Logi Ágústsson og  piltarnir í Vintage Caravan gleyma þungarokkinu þetta kvöld og bjóða upp á hreina blúsveislu ásamt mögnuðum gestum á borð við munnhörpuleikarann Sigurð Sigurðsson og gítargyðjuna Brynhildi Oddsdóttur.

Fyrir hlé trylla Blúsþrjótarnir mannskapinn en með tónleikunum heldur þessi magnaða og lífsglaða hljómsveit upp á 20 ára starfsafmæli sitt.

Tónlistarfólk framtíðarinnar hefur blúshátíð í ár þegar efnilegir nemendur tónlistarskóla FÍH sýna okkur að framtíðin er falleg og lofandi.

Miðvikudagurinn 8. apríl kl. 20.00 – Hilton Reykjavík Nordica

Búast má við blárri veðurviðvörun þegar Rick Estrin, heiðursgestur Blúshátíðar, stígur á svið. Hann blæs í munnhörpuna af krafti, snilld og einstakri mýkt. Þessi margverðlaunaði, vinsæli og stórskemmtilegi tónlistarmaður spilar með reynsluboltunum í Blue Ice Band.

Fyrir hlé fara Langi Seli og Skuggarnir á kostum með sinn stórskemmtilega og hrífandi rockabilly blús sem kemur okkur öllum á ið.

Fimmtudagurinn 9. apríl, skírdagur, kl. 20.00 – Hilton Reykjavík Nordica

Á lokakvöldi Blúshátíðar verður boðað til íslenskrar blúsveislu með djammi eins og það gerist best með Ragnheiði Gröndal, Guðmundi Péturssyni, Halldóri Bragasyni, Róberti Þórhallssyni, Birgi Baldurssyni og óvæntum leynigestum.

Fyrir hlé mun Rubin Pollock, gítarleikari Kaleo og Stefanía Svavarsdóttir eiga sviðið þar sem þau bjóða til sín hæfileikaríku en um fram allt skemmtilegu fólki í sannkallaða blúsveislu.

Eftir ‚stórtónleikana öll kvöldin verður Klúbbur Blúshátíðar starfræktur á Hilton Reykjavík Nordica. Þar heldur fjörið áfram fram eftir nóttu og ævintýri gerast þegar ólíkir tónlistarmenn hræra sannkallaðan blússeið.

Setning Blúshátíðar í Reykjavík fer fram laugardaginn 4. apríl með Blúsdegi í miðborginni. Þá leggur Blúshátíð Skólavörðustíginn undir sig. Skrúðganga verður frá Leifsstyttu kl. 14.00. Lúðrasveitin Svanur leikur nokkur lög og Krúser klúbburinn verður með glæsilega bílasýningu. Við setningu hátíðarinnar verður tilkynnt um val á heiðursfélaga Blúsfélags Reykjavíkur 2020. Boðið verður upp á lifandi blús á Skólavörðustígnum frá klukkan 14.00. Tónleikar verða á Borgarbókasafninu í Grófinn kl. 16.00.

Blúshátíð í Reykjavík 2020 verður sett 4. apríl. Aðalsviðið á Hilton Reykjavík Nordica verður dagana 7. 8. og 9. apríl.

Sjáumst á næsta ári.
Blúshátíð í Reykjavík 2020 verður sett 4. apríl. Aðalsviðið á Hilton Reykjavík Nordica verður dagana 7. 8. og 9. apríl. Takið dagana strax frá í dagtalinu.

Allir tónleikar byrja kl 20 og húsið opnar kl 19 . Miðasala á midi.is og við hurðina frá kl 19. Joe Louis Walker endaði fyrsta kvöldið með stæl

Joe Louis Walker endaði fyrsta kvöldið með stæl Aðaltónleikar hans með Blue Ice Band verða í kvöld miðvikudag á Hilton Reykjavík Nordica Strákarnir hans Sævars hita upp. Allir tónleikar byrja kl 20 og húsið opnar kl 19 . Miðasala á midi.is og við hurðina frá kl 19.
Lokakvöld Blúshátíðar á Skírdag kl 20 Vinir Dóra 30 ára starfsafmæli. Góðir gestir Andrea GylfadóttirPétur Tyrfingsson Rubin Pollock Thorleifur Gaukur Davidsson CCblús og Uncle John jr. Það verður bein útsetning á Rás 2 frá kl 19:30. Gleðilega Blúshátíð !
— á/í Hilton Reykjavík Nordica.

 

Blúshátíð í Reykjavík á Hilton Reykjavík Nordica 2019

Blúsveislan á Hilton Reykjavík Nordica

 Nú er komið að því! Fyrstu tónleikar Blúshátíðar í Reykjavík þriðjudagskvöldið og þeir lofa sannarlega góðu. Þá kemur Emil Arvidsson frá Svíþjóð og spilar stórskemmtilega blús eins og hann er þekktur fyrir. Við heyrum líka í blúsaðasta bandi Músíktilrauna og snillingunum Davíð Þór Jónssyni, Guðmundi Péturssyni og Þorleifi Gauki Davíðssyni sem flytja blúsbræðinginn Fantasy Overture.

 

 Joe Louis Walker er goðsögn í lifanda lífi og aðal gestur Blúshátíðar í ár. Hann er af mörgum talinn besti blústónlistarmaður samtímans. Hann spilar miðvikudagskvöldið 17. apríl. Fyrir hlé bjóða Strákarnir hans Sævars upp á kraftmikla blúsveislu þar sem rokkskotinn blús verður fyrirferðarmikill.

 

Lokakvöld Ástsælasta blúshljómsveit landsmanna, Vinir Dóra heldur upp á 30 ára starfsafmæli sitt fimmtudaginn 18. apríl. Vinirnir bjóða til sín gestum og meðal þeirra eru Andra Gylfadóttir, Davíð Þór Jónsson, Þorleifur Gaukur Davíðsson, Rubin Pollock og Pétur Tyrfingsson. Þetta partý verður seint toppað. Fyrir hlé leika GGblús, þeir Guðmundur Jónsson og Guðmundur Gunnlaugsson. Uncle John Jr. hefur leik á þessu magnaða kvöldi.

 

Tónleikar Blúshátíðar eru á Hilton Reykjavík Nordica og þeir hefjast stundvíslega klukkan 20.00.

Miðasala er á midi.is og við dyrnar tónleikadagana frá kl 19 en þá opnar húsið. Hægt er að kaupa á stök kvöld eða Blúsmiðann sem gildir á öll kvöldin takmarkað magn Blúsmiða er í sölu.

Kaupa miða

Blúshátíð í Reykjavík hressir, bætir og kætir

 

Róbert Þórhallsson er heiðursfélagi Blúsfélags Reykjavíkur 2019

Róbert Þórhallsson er heiðursfélagi Blúsfélags Reykjavíkur 2019

Bassaleikarinn Róbert Þórhallsson var útnefndur heiðursfélagi Blúsfélags Reykjavíkur við setningu Blúshátíðar í dag, laugardaginn 13. apríl.
Róbert er einn af okkar allra bestu og eftirsóttustu rafbassaleikurum. Hann hefur verið órjúfanlegur hluti íslenska blússamfélagsins um árabil og hefur meðal annars spilað með húsbandinu, Blue Ice Band, á hverri einustu Blúshátíð frá árinu 2006. Þar hefur hann spilað með öllum erlendu stórstjörnunum sem hafa komið fram á hátíðinni og stjórnað samspilinu af smekkvísi og fagmennsku.
Róbert Þórhallsson er sprenglærður tónlistarmaður. Hann byrjaði ungur að blása í trompet í tónlistarskóla Húsavíkur en skipti yfir í bassann 15 ára gamall. Hann brautskráðist frá Tónlistarskóla FÍH árið 1997. Haustið 1998 hóf Róbert nám í Conservatorium van Amsterdam þar lauk hann kennaranámi og marstesnámi í bassaleik. Hann brautskráðist þaðan vorið 2003 með láði, fyrstur nemanda í Jass- og hryndeild skólans.

Róbert Þórhallsson er verðugur heiðursfélagi Blúsfélags Reykjavíkur.